Bas múftı Astanada halyqaralyq konferentsııaǵa qatysty (FOTO+VIDEO)

16 февраль 2019 310 0
Оqý rejımi

Búgin Astanada L.N.Gýmılev atyndaǵy Eýrazııa ulttyq ýnıversıteti jáne Islam yntymaqtastyǵy Uıymy (OIS) janyndaǵy Islam tarıhyn, ónerin, mádenıetin Zertteý ortalyǵy (IRSIKA) «Sádýaqas Ǵylmanı jáne Uly dalanyń ǵulamalary» taqyrybynda halyqaralyq konferentsııa ótkizdi.

L.N. Gýmılev atyndaǵy Eýrazııa ulttyq ýnıversıtetinde ótken konferentsııa jumysyna belgili ǵalymdar, akademıkter, atap aıtqanda, Serik Qırabaev, Ǵarıfolla Esim, Bolat Kómekov, Tursyn Ǵıbıtovtar qatysty. Sonymen qatar, din qaıratkeri Sádýaqas qajy Ǵylmanıdyń perzenti Úkijan Sádýaqasqyzy da qatysty.

 Konferentsııada baıandama jasaǵan Bas múftı Serikbaı qajy Oraz:

«Sanaly ǵumyryn Islam dininiń gúldenýi jolyna arnaǵan Sádýaqas Ǵylmanıulynyń qalamynan qasıetti qazaq topyraǵynda alǵashqy «Máýlit jyry» týyndaǵan bolatyn. Ózderińiz biletindeı, Qazaqstan musylmandary dinı basqarmasy jyl saıyn  ardaqty Alla Elshisiniń týǵan aıynda máýlit keshin uıymdastyrady. Osy ıgi sharada paıǵambardyń ónegeli ómirin óleń-jyrmen baıandaý – rýhanı keshtiń negizgi máni men mańyzy bolyp sanalady. Halyqty izgilik pen ımandylyqqa uıytatyn rýhanı sharada Sádýaqas Ǵylmanıdyń jazǵan «Máýlit jyry» oqylady. Osyndaıda: «Jaqsynyń aty ólmeıdi, ǵalymnyń haty ólmeıdi», – degen halyq naqyly eriksiz eske túsedi», – dep atap ótti.

Konferentsııada Serik Qırabaev, Ǵarıfolla Esim, Bolat Kómekov syndy belgili ǵalymdar estelik áńgimeler aıtyp, ǵylymı baıandamalar jasady.

 

Pіkіrler Kіrý