BAS MÚFTI ASTANADA ÓTKEN MÁÝLIT KEShINE QATYSTY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astanadaǵy Beıbitshilik pen kelisim saraıynda ótken «Izgilik jarshysy áz Muhammed ﷺ» máýlit keshine qatysyp, jamaǵatqa ýaǵyz aıtty.
«Adamzattyń asyly paıǵambarymyz Muhammed (oǵan Allanyń salaýaty men sálemi bolsyn) – búkil adamzatqa úlgi bolǵan teńdessiz tulǵa. Al onyń súnnetin ustanǵan ata-babamyz ardaqty elshi dúnıe esigin ashqan aıdy qurmettegen, oǵan kóp salaýat aıtyp, máýlit jyryn oqyǵan. Buryn máýlit ár shańyraqta oqylsa, qazirgi kezde rýhanı keshter osyndaı záýlim ǵımarattarda Qazaqstan musylmandary dinı basqarmasynyń qoldaýymen uıymdastyrylyp keledi.
Paıǵambarymyzdyń (oǵan Allanyń salaýaty men sálemi bolsyn) esimi ulyqtalǵan jerde bereke bolady. Alla Taǵala Quran Kárimde: «Rasynda, Alla jáne Onyń perishteleri paıǵambarǵa (sheksiz raqymyn tógip) salaýat aıtady. Ýa, ıman keltirgender! Endeshe, sender de oǵan shyn júrekten salaýat aıtyp, qurmetpen sálem joldańdar!» («Ahzab» súresi, 56-aıat). Al bir hadıste «Kim maǵan bir salaýat aıtsa, Alla Taǵala oǵan on salaýat aıtady» delingen. Demek, aınalamyz aman, ortamyz berekeli bolsyn desek, jyl on eki aıdyń barlyq kúninde de salaýat aıtýdy toqtatpaýymyz qajet. Alla Taǵala rýhanı, qaıyrymdylyq keshine basyp kelgen qadamdaryńyzǵa mol saýaptan jazsyn» dedi Bas múftı.
Rýhanı keshte qasıetti máýlit jyry oqylyp, el amandyǵy úshin duǵa jasaldy. Áserli jyr-termeler oryndaldy. Sonymen qatar kesh qonaqtary Paıǵambarymyzdyń (oǵan Allanyń salaýaty men sálemi bolsyn) ónegeli ómiri órnektelgen kórmeni tamashalaýǵa múmkindik aldy.
Kesh barysynda Bas múftı Naýryzbaı qajy Taǵanuly Qazaqstan musylmandary dinı basqarmasynyń uıymdastyrýymen ótken respýblıkalyq «Din men dástúr» músháırasy, sondaı-aq Beıbarys sultannyń 800 jyldyq mereıtoıyna oraı múftııattyń tól basylymdary «Munara» gazeti men «Iman» jýrnaly uıymdastyrǵan «Uly dalanyń barysy – Beıbarys sultan» respýblıkalyq shyǵarmashylyq baıqaýynyń jeńimpazdaryn marapattady.
Rýhanı kesh QMDB Tóraǵasynyń «Máýlit syıyn» tabystaýymen qorytyndylandy. Bul joly bıletten túsken qarajat jas ta bolsa bilimimen bıikterdi baǵyndyryp, erekshe talantymen talaıdy tańdaı qaqtyryp júrgen mektep oqýshylaryna tabystaldy.
Sýretterdiń tolyq toptamasyn «FOTOGALEREIa» aıdarynan tamashalaı alasyzdar!
Источник: Aidos
