BAS MÚFTI ASTANADA JAŃA MEShITTIŃ AShYLÝYNA QATYSTY (FOTO)
Búgin Astana qalasynda jańa meshit ashyldy. Igi is-sharaǵa Bas múftı Naýryzbaı qajy Taǵanuly qatysyp, jamaǵatty jańa meshittiń ashylýymen quttyqtady.
«Búgin, qasıetti juma kúninde, ardaqty Paıǵambarymyz Muhammedtiń (oǵan Allanyń salaýaty men sálemi bolsyn) dúnıege kelgen qasıetti Máýlit aıynda Astana qalasy boıynsha 14-meshit esigin aıqara ashyp, jamaǵattyń ıgiligine berilip otyr. Bul – kópten kútken qýanysh. Óıtkeni, osy meshittiń ashylýy birneshe jyldarǵa sozyldy. Alaıda Alla Taǵalanyń qalaýymen sáýleti men sáni jarasqan meshit búgin halyq ıgiligine berildi. Jańa qulshylyq úıi qutty bolsyn», – dedi Bas múftı Naýryzbaı qajy Taǵanuly.
QMDB Tóraǵasy meshitti salǵan azamattarǵa aıryqsha alǵys bildirip, ıgi tilegin jetkizdi. Sondaı-aq, Bas múftı juma namazyna qatysyp, jamaǵatqa ýaǵyz aıtty.
Aıta ketsek, qalanyń Kóktal shaǵyn aýdanynda ashylǵan jańa meshitte bir mezette 500 adam qulshylyǵyn óteı alady.
