BAS MÚFTI ATYRAÝ OBLYSYNYŃ ÁKIMIMEN KEZDESTI (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna jasaǵan saparynda óńir basshysy Serik Shápkenovpen kezdesti.

«Búgin Rakýsh aýylynda 1000 adamdyq «Yqylas» meshitiniń saltanatty ashylýy ótip, Atyraý oblysyndaǵy meshit sany 44-ke jetti. Oblystaǵy meshitterimizde 111 din qyzmetkeri jumys isteıdi. Onyń 13-i – bas ımamdar, 53-i – naıb ımamdar. Oblystaǵy osy 111 din qyzmetkeriniń 40 paıyzǵa jýyǵy – joǵary dinı bilimdi mamandar. Bizdiń endigi mindet – orta bilim alǵan ımamdardyń bilimin joǵary deńgeıge kóterý» deı kele Naýryzbaı qajy Taǵanuly múftııattyń baıandy bastamalaryna aıryqsha qoldaý bildirip kele jatqany úshin óńir basshysyna alǵys aıtty.

Kezdesý sońynda Bas múftı men oblys ákimi aımaqtaǵy dinı ahýaldy talqyǵa salyp, ortaq jobalardy júzege asyrýǵa kelisti.