BAS MÚFTI ATYRAÝDA ERIKTILERGE ALǴYS AITYP, BATASYN BERDI (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraýǵa barǵan jumys sapary kezinde eriktilermen kezdesip, alǵysyn aıtty.

Eriktilerge batasyn bergen Bas múftı: «El men jer – barshamyzǵa amanat. Óz múddesin el múddesinen joǵary qoıa bilgen adam ǵana naǵyz erikti bola alady. Shynaıy nıetpen ortaq múdde jolynda qyzmet etip jatqan árqaısyńyzǵa rııasyz nıetpen alǵysymdy bildiremin. Alla razy bolsyn! Otbasylaryńyzǵa amandyq, birlik pen tatýlyq tileımin. Jaratýshy Iemiz elimiz ben jerimizdi túrli tabıǵı apattan aman etkeı. Osy synaqtyń sońy jaqsylyqqa ulasqaı. Ámın» dedi.

Aıta ketsek, QMDB-nyń elimiz boıynsha 1200 eriktisi halyqpen birge ortaq múdde jolynda eńbek etýde. Olarǵa múftııat atynan kúndelikti ystyq tamaq berilýde.

​