BAS MÚFTI ATYRAÝDAǴY MEShITTIŃ AShYLÝYNA QATYSTY (FOTO)

Atyraý qalasynyń Rakýsh aýylynda jańa meshit ashyldy. «Yqylas» dep atalatyn meshitiniń ashylý saltanatyna QMDB Tóraǵasy Naýryzbaı qajy Taǵanuly arnaıy kelip qatysty.

Bas múftı qulshylyq ordasynyń ashylý rásiminde: «Allanyń qalaýymen, búgin Atyraý qalasy Rakýsh aýylyndaǵy jańa meshittiń saltanatty ashylýyn ótkizgeli turmyz. 1000 adamdyq jańa meshitimizge «Yqylas» esimi berilmek. Bul meshit oblystaǵy 44-meshit bolǵaly tur.

Ózderińiz bilesizder, kóp nárse adamnyń yqylasyna baılanysty. Yqylas degen – musylmannyń adaldyǵy men nıetin kórsetetin aına. Yqylas degen – adamzatty jaratqan Alla Taǵalaǵa degen shynaıylyq. Sondyqtan osy meshitimiz atyna zaty saı yqylasty, shynaıy jamaǵatqa tolsyn dep tileımiz!» dedi Naýryzbaı qajy Taǵanuly.

Bas múftıdiń buıryǵymen «Yqylas» meshitiniń bas ımamy bolyp Nazarbaı Abdýramanov taǵaıyndaldy.

Aıta keteıik, «Yqylas» meshiti – eki qabatty, zamanaýı stılde salynǵan qulshylyq úıi. Meshitte úlken zal, kishi zal, erler jáne áıelderge arnalǵan namaz oqý zaly, Quran oqý jáne neke qııý bólmeleri bar. Sondaı-aq meshit janyna ashana salynǵan.