BAS MÚFTI BABALAR RÝHYNA 100 QURAN HATYM DUǴASYN JASADY (FOTO)
Búgin Qyzylorda qalasynda Syr óńirinen shyqqan ahýandar men ıshandar, sonymen qatar elimizdiń erteńi úshin sheıit bolǵan babalar rýhyna 100 Quran hatym duǵasy jasaldy.
Dástúrge aınalǵan ıgi is-sharaǵa Bas múftı Naýryzbaı qajy Taǵanuly, zııaly qaýym ókilderi, respýblıkalyq Quran baıqaýynyń ádilqazy músheleri, din qyzmetkerleri men qarılar qatysty.
Igi basqosýda Bas múftı Naýryzbaı qajy Taǵanuly: «Ózderińizge belgili, biz jyl basynda Qazaqstan musylmandary dinı basqarmasynyń aıtýly is-sharalar josparyn bekittik. Bekitilgen josparǵa sáıkes din qyzmetkerleri, ustazdar men shákirtter kún saıyn Qurandy tolyq oqyp, ata-baba rýhyna baǵyshtaýy lázim. Allaǵa shúkir, bul ıgi bastamamyz kún saıyn oryndalýda. Osydan birneshe kún buryn qarılar ortalyǵyndaǵy shákirtterimiz qasıetti Qurandy 100 ret tolyq oqyp shyqty. Alla Taǵala ata-babalarymyzdyń rýhyn shat etkeı!» dedi.
