Bas múftı BAQ qyzmetkerlerin kásibı merekesimen quttyqtady

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly jýrnalısterdi buqaralyq aqparat quraldary qyzmetkerleri kúnimen quttyqtady. 

«Qurmetti jýrnalıster! Sizderdi kásibı merekelerińizben shyn júrekten quttyqtaımyn. Alla Taǵala otbasylaryńyzǵa amandyq, denderińizge saýlyq, el ıgiligi jolyndaǵy jumystaryńyzǵa bereke tileımin. Halqymyzdy birlik pen ıgilikke, izgilik pen ımandylyqqa uıytýda aqparat quraldary ókilderiniń qyzmeti aıryqsha. 

Búginde Dinı basqarma aqparat salasyndaǵy jumystaryn ýaqyt ótken saıyn jandandyryp keledi. Biz sanaýly merzim aralyǵynda Múftııattyń tól telearnasyn, medıa ortalyǵyn jáne táýlik boıy jumys isteıtin dinı aqparat berý ortalyǵyn ashtyq. 

Men osy rette bizdiń ıgi bastamalarymyzǵa qoldaý kórsetip, izgiliktiń jarshysy bolyp júrgen jýrnalısterge ózimniń jáne Qazaqstan musylmandary dinı basqarmasy ujymy atynan aıryqsha alǵysymdy, rııasyz rızashylyǵymdy bildiremin. Alla razy bolsyn! Merekelerińiz qutty bolsyn!» delingen QMDB Tóraǵasy Naýryzbaı qajy Taǵanulynyń quttyqtaýynda.