BAS MÚFTI «BAQYTTY ShAŃYRAQ» QORYNA TARTÝ JASADY (FOTO)
Búgin QMDB Tóraǵasy, Bas múftı Naýryzbaı qajy Taǵanuly elordadaǵy «Baqytty shańyraq» qaıyrymdylyq qoryna baryp, syı-sııapat jasady.
Oǵan sebep elimizde qazan aıynyń ekinshi jeksenbisinde atap ótiletin «Múgedekter kúnine» oraı bul joly «Zeket jáne qaıyrymdylyq» qory arnaıy tartý jasady. Igi is-shara aıasynda Bas múftı múgedek balalary bar otbasylarǵa qoldaý jáne kómek kórsetetin «Baqytty shańyraq» qoǵamdyq qoryna «Tuz shahtasyn» ornatýǵa qajetti qarajatty syılady.
«Qasıetti Quranda «Jaqsylyq jasaýda jarysyńdar» degen. Biz árdaıym qýantýǵa tyrysamyz. Búgin Ortalyqtyń jumysymen tanystym. Emine shıpa izdep, dertti bolǵan balalar tezirek saýyǵyp ketsin. Balalar aýyrmasyn. Solarǵa qamqorlyq tanytyp otyrǵan qordyń jumysyna tabys tileımin», – dedi Naýryzbaı qajy Taǵanuly.
Aıta keteıik, tuz shahtasy sozylmaly aýrýlardy emdeýde asa aıryqsha ról atqarady. Speleoterapııa taý qýysy mıkroklımatynyń, tuzdy shahtalardyń, úńgirlerdiń tabıǵı mıkroklımatyn paıdalanýǵa negizdelgen dári-dármeksiz emdeýdiń eń áserli túri sanalady. Tuz shahtasyndaǵy bir protsedýrany teńizde bolǵan bir kúnmen teńestirýge bolady.
