BAS MÚFTI BAS HATShYMEN BIRQATAR KELISSÓZDER JÚRGIZDI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Birikken Arab Ámirlikterine barǵan saparynda Islam yntymaqtastyǵy uıymynyń Bas hatshysy Ibrahım Hýseın Tahamen kezdesti.
Kezdesýde Bas múftı Bas hatshyǵa 2023 jyly Qazaqstanda halyqaralyq Quran baıqaýyn ótkizý josparlanǵanyn jetkizdi. Bas hatshy Ibrahım Hýseın Taha Qazaqstanda ótetin ıgi is-sharaǵa qatysýǵa nıet bildirip, Islam álemindegi Qazaqstannyń alar ornyna erekshe toqtaldy.
Sonymen qatar Naýryzbaı qajy Taǵanuly Qazaqstan musylmandary dinı basqarmasynyń bastamasymen Túrki memleketteri uıymy Múftıler keńesi qurylǵanyn, jýyrda atalǵan keńestiń erejesi bekitilgenin atap ótti. Bas hatshy bul bastamanyń musylman úmbetiniń rýhanı birligin nyǵaıtýdaǵy mańyzdylyǵyn tilge tıek etti.
Basqosý sońynda Bas múftı men Bas hatshy ekijaqty yntymaqtastyqty arttyrýǵa kelisti.
