BAS MÚFTI BAS HATShYMEN TÚRKI JURTYNYŃ YNTYMAQTASTYǴY TÝRALY ÁŃGIMELESTI (FOTO)
Búgin QMDB Tóraǵasy Naýryzbaı qajy Taǵanuly túrki memleketteriniń «Múftıler alqasy» aıasynda Túrki memleketteri uıymynyń Bas hatshysy Baǵdat Ámireevpen kezdesti.
Baǵdat Ámireev Bas múftı bastamasyna qoldaý bildirip, QMDB qyzmetine tabys tiledi.
Óz kezeginde Naýryzbaı qajy Taǵanuly Túrki memleketteri uıymynyń baýyrlastyq baılanysty arttyrýǵa qosqan úlesin atap ótti.
«Siz Túrkistanda ótip jatqan «Múftıler alqasynyń» joǵary deńgeıde uıymdastyrylýyna úlken úles qosyp otyrsyz. Musylman memleketterinde elshi bolǵan sátterińizde elimizden kóptegen meshitterdiń ashylýyna yqpal ettińiz. Búgingi tańda Túrki memleketteriniń yntymaqtastyǵyna kóp eńbek sińirip kelesiz. Bizdiń bastamamyzǵa da qoldaý bildirgenińizge rızashylyq nıetimdi jetkizemin» dedi Bas múftı.
Eske sala ketsek, 6 mamyrda QMDB-nyń uıymdastyrýymen Túrkistanda túrki memleketteriniń «Múftıler alqasynyń» otyrysy ótedi.
