BAS MÚFTI BAS MEShITTE JUMA ÝAǴYZYN AITTY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordanyń bas meshitinde juma ýaǵyzyn aıtty.
Jamaǵatqa «Densaýlyqtyń qadir-qasıeti» taqyrybynda nasıhat aıtqan Bas múftı: «Alla Taǵala qasıetti Qurannyń «Nahyl» súresiniń 18-aıatynda: «Allanyń nyǵmetin sanasańdar, sanyna jete almaısyńdar», – degen.
Adam balasyna berilgen úlken nyǵmetterdiń biri – densaýlyq. Ardaqty Paıǵambarymyz (oǵan Allanyń salaýaty men sálemi bolsyn): «Adamdardyń kópshiligi qadirine jete bermeıtin eki nyǵmet bar, ol – densaýlyq jáne bos ýaqyt», – degen.
Densaýlyq – adam balasy barynda baǵalaı almaı, aıyrylyp qalsa, taba almaı jatatyn baǵa jetpes baılyq. Halqymyz «Densaýlyq – zor baılyq» demeı me?! Allany kóp eske alý, densaýlyqty kútý, paıdaly taǵamdar jeý, deneni shynyqtyrý – Qudaıdyń bizge bergen nyǵmetine shúkir bildirýdiń belgileri» dedi.
