Bas Múftı bastaǵan delegatsııa Stambulda Halyqaralyq konferentsııaǵa qatysty
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkııanyń Stambul qalasynda ótken «Jahandyq indet, Ekonomıkalyq krızıs jáne tsıfrly álem turǵysynan túrki-Islam áleminiń bolashaǵy men dinı basqarmalar» taqyrybyndaǵy halyqaralyq konferentsııaǵa qatysty.
Konferentsııaǵa Túrki memleketteri uıymynyń bas hatshysy Baǵdat Ámreev, Túrkııa Dinı basqarmasynyń tóraǵasy, professor Alı Erbash, Kavkaz musylmandary dinı basqarmasynyń tóraǵasy Allashúkir Pashazade, Ózbekstan musylmandary basqarmasynyń tóraǵasy Nýrıddın Holıknazarov qatysty.
Halyqaralyq jıyn qasıetti Quran aıatymen ashyldy. Odan ary Túrkııa Din isteri basqarmasynyń tóraǵasy Álı Erbash din qaıratkerlerine ıgi tilegin jetkizdi.
Jıynda Bas múftı Naýryzbaı qajy Taǵanuly arnaýly baıandama jasap, tutas túrki jurtyn biriktiretin negizgi nárse – tarıhı tamyrlastyq pen ortaq múdde ekenine toqtaldy. Osy maqsatta mamyr aıynda Túrkistan qalasynda Túrkitildes elder múftıleriniń alqasy qurylatynyn aıryqsha atap ótti.
«Bizdiń túrki jurtyna ortaq dúnıe kóp. Dinimiz, dilimiz, tilimiz, tipti mádenıetimiz de uqsas. Sondyqtan bizge ózara baılanysty áli de arttyra túsý mańyzdy. Túrkitildes elder múftıleriniń alǵashqy otyrysy aldaǵy mamyr aıynda Túrki áleminiń rýhanı astanasy – Túrkistan qalasynda ótetinin taǵy da eske salǵym keledi» dedi Naýryzbaı qajy Taǵanuly.
Alqaly jıynda túrki-Islam áleminiń keleshegi, memleketter men dinı basqarmalar arasyndaǵy yntymaqtastyqty nyǵaıtý máselelerin talqylady. Konferentsııada qasıetti quran aıattaryn QMDB Ýaǵyz-nasıhat bóliminiń meńgerýshisi Batyrjan Mansurov oqydy.
