BAS MÚFTI BAIQOŃYRDA JUMA ÝAǴYZYN AITTY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qyzylorda oblysyna barǵan jumys saparynda Baıqońyr qalalyq «Járimbet» meshitinde juma ýaǵyzyn aıtty.
Bas múftı jamaǵatty qasıetti Máýlit aıynyń kelýimen quttyqtap, «Salaýat aıtýdyń artyqshylyǵy» taqyrybynda nasıhat aıtty.
«Máýlit – paıǵambarlardyń sardary Muhammedtiń (oǵan Allanyń salaýaty men sálemi bolsyn) dúnıege kelgen, álemdi nurǵa toltyrǵan Qudaı Taǵalanyń meıirim-rahymyn molynan jaýdyrǵan tarıhı kún. Ózderińiz jaqsy bilesizder, Paıǵambarǵa salaýat aıtqan adam sansyz saýapqa keneledi. Paıǵambarymyz (oǵan Allanyń salaýaty men sálemi bolsyn): «Kim maǵan bir salaýat aıtsa, Alla Taǵala oǵan on salaýat aıtady» degen. Biz bul hadısten sansyz saýapqa kenelý úshin kóbirek salaýat aıtý qajettigin túsinemiz» dedi Naýryzbaı qajy Taǵanuly.
Bas múftı juma ýaǵyzy barysynda ıhsan iliminiń máni men mańyzyna da toqtaldy.
