BAS MÚFTI BEKET ATA MEShITINIŃ IRGETASYN QALADY (FOTO)

Bas múftı Naýryzbaı qajy Taǵanuly Atyraý qalasyna saparynda Balyqshy shaǵynaýdanynda boı kóteretin jańa meshittiń irgetasyn qalady.

Igi is-sharada Naýryzbaı qajy Taǵanuly: «Meshitke qazaqtyń birtýar azamaty, qazaq dalasyndaǵy din Islamnyń qanat jaıýy úshin qyzmet etken, din ǵulamasy Beket ata Myrzaǵululynyń esimi berilgeli otyr. Beket atanyń kim ekenin ıisi qazaq túgel biledi. Beket atanyń ata qonysy – osy Atyraý óńiri. Árıne, elimizde Beket ata esimin alǵan meshitter az emes. Alaıda Atyraý qalasynda babamyzdyń atyndaǵy munaraly meshittiń bolýynyń orny bólek dep bilemiz», - dedi Naýryzbaı qajy Taǵanuly.

QMDB Tóraǵasy meshittiń mejelengen ýaqytta el ıgiligine berilip, ishi jamaǵatqa tolýyn tilep, duǵa jasady.