BAS MÚFTI BILIM KÚNINDE ShÁKIRTTERGE DÁRIS OQYDY (FOTO)
Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly bilim kúnine oraı «Astana» medrese-kolledjinde ótken saltanatty jıynǵa qatysty.
Bas múftı medrese-kolledj ustazdary men shákirtterin bilim kúnimen quttyqtap, izgi nıetin jetkizdi.
«HHI ǵasyr – bilim zamany. Bilimdi adam ǵana ózgelerden ozyq bolady. Allaǵa shúkir, Dinı basqarma shákirtterimizdiń tolyqqandy bilim alýyna barynsha jaǵdaı jasap keledi. Medrese qabyrǵasynan yqylaspen bilim alyp, elimiz ben jerimizdiń ıgiligi úshin qyzmet ete berýlerińizge tilektestigimdi bildiremin», – dedi Naýryzbaı qajy Taǵanuly.
Bas múftı medrese-kolledj ustazdaryna, shákirtterine dáris berip, suraqtaryna jaýap berdi.
Aıta ketsek, búginde múftııatqa qarasty din mamandaryn daıarlaıtyn Nur-Múbarak ýnıversıteti, Imamdar bilimin jetildirý ınstıtýty, 9 medrese-kolledj jáne 7 qarılar daıyndaý ortalyǵy bar.
2021-2022 oqý jylynda Nur-Múbarak ýnıversıtetin 220 túlek, 9 medrese-kolledjdi 366 túlek bitirdi. Onyń ishinde «Astana» medrese-kolledjin bıyl 21 túlek támamdady. «Astana» medrese-kolledji 2007 jyly ashylyp, osy ýaqytqa deıin 360 stýdentke dıplom berdi.
