Bas múftı «Bir mezette – bir duǵa» ıgi sharasyna qatysty (FOTO)
Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly besin namazynyń ýaqytynda «Bir mezette – bir duǵa» atty ıgi bastamaǵa qoldaý bildirdi. Atalǵan sharaǵa naıb múftı Ershat Ońǵarov, Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Bektazın jáne «Áziret Sultan» meshitiniń bas ımamy Erbolat Júsipov qatysty.
«Alla Taǵala búgingi arapa kúniniń qasıetine oraı jasaǵan duǵa tilekterimizdi qabyl et. Elimizdi myna indetten tezirek saqtap, qalypty tirshiligimizge kóshýimizdi násip et. Aýyryp jatqan baýyrlardyń denine saýlyq, dertne shıpa tileımiz. Saparda bolǵandardyń saparyn oń qyl. Búgingi oraza ustaǵan jandardyń tutqan orazasyn qabyl et. Elimizge birlik, bereke ber. Álem musylmandaryna tynyshtyq ber. Qajylyqta búgingi arafatta jasalǵan duǵalardy qabyl et. Orta Azııa musylmandarynyń bir mezettegi duǵasyn qabyl etkeısiń Rabbym» - dep barsha jamaǵatqa jaqsylyq tilep, erteńgi shalynatyn qurbandyqtary qabyl bolsyn dep duǵa etti Bas múftı Naýryzbaı qajy Taǵanuly.
Eske salaıyq, Qazaqstan musylmandary dinı basqarmasy Ortalyq Azııa elderiniń ǵulamalaryn, kúlli din qaıratkerlerin, din salasynyń oqytýshy-ustazdary, qarılardy jáne barsha musylman qaýymyn 30 shilde, beısenbi kúni besin namazynyń ýaqytynda «Bir mezette – bir duǵa» atty ıgi bastama aıasynda kúlli adamzattyń amandyǵy úshin bir ýaqytta alaqan jaıyp, duǵa jasaýǵa úndegen bolatyn.
