BAS MÚFTI «DIN MEN DÁSTÚR» ORTALYǴYNYŃ AShYLÝYNA QATYSTY (FOTO)
Búgin QMDB janyndaǵy Respýblıkalyq bas meshitte QMDB tóraǵasy, Bas múftı Naýryzbaı qajy Taǵanulynyń qatysýymen «Din men dástúr» ortalyǵynyń ashylý saltanaty ótti.
Jartylaı kıiz úı tigilip, túrli ulttyq jádigerlermen jabdyqtalǵan ortalyq bólmesi bir mezette 120 adamǵa dastarhan jaıyp, ýaǵyz-nasıhat jumystaryn júrgizýge arnalǵan.
Ortalyqtyń lentasyn qıyp, quttyqtaý sóz sóılegen Naýryzbaı qajy Taǵanuly: «Dana halqymyz «Sharıǵat – aǵyp turǵan bulaq, burynǵynyń sózderi – jaǵalaı bitken quraq» deıdi. Bulaq pen quraq bir-birine qanshalyqty jaqyn uǵymdar bolsa, din men dástúrimiz de bir-birinen ajyratýǵa kelmeıtin dúnıeler. Muny jan-jaqty nasıhattaý maqsatynda qazirgi tańda meshitterimizdiń aýmaǵynan kıiz úıler tigip, altybaqandar ornatyp, ulttyq salt-dástúrlerimizdi jan-jaqty nasıhattap kelemiz. Qazaqstan musylmandary dinı basqarmasynyń da negizgi basymdyq beretin jumys baǵyttarynyń biri – din men dástúr. Sondyqtan Bas meshitte ashylyp jatqan bul ortalyqtyń da kózdegeni dinmen jymdasyp jatqan salt-dástúrimizdi halyqqa keńinen nasıhattaý bolmaq. Alla qutty, berekeli etsin!» dep ıgi tilegin jetkizdi.
