Bas múftı eldegi ahýalǵa baılanysty suhbat berdi (FOTO+VIDEO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly eldegi ahýalǵa baılanysty «Qazaqstan» ulttyq telearnasyna suhbat berdi.
«Búginde dinı jalań urandardy jamylǵan keıbir sheteldik uıymdar ózderiniń teris pıǵyldy pikirlerin maqsatty túrde taratýda. Olar musylman qaýymynyń dinı senimi men birligine syzat túsirýge tyrysýda. Osy oraıda, men elimizdegi barsha ısi musylman jamaǵatyn sheteldik dinı uıymdardyń jalǵan dinı urandaryna senip, arandap qalmaýǵa shaqyramyn. Bul rette Qazaqstan musylmandary dinı basqarmasynyń pátýalary men úndeýlerin, sonymen qatar resmı málimdemelerin basshylyqqa alýdy suraımyn», – dep atap ótti Naýryzbaı qajy Taǵanuly.
Suhbat barysynda Bas múftı sherýge shyǵýdyń sharıǵat ruqsat etken ádepterine toqtalyp, Qazaqstan musylmandary dinı basqarmasynyń jumysyn baıandady. Sonymen qatar, jamaǵatty juqpaly derttiń taralýyna baılanysty qulshylyqty úıde oryndaýǵa úndedi.
