Bas múftı Elordadaǵy jańa meshit qurylysymen tanysty (FOTO)
QMDB Tóraǵasy, Bas múftı Naýryzbaı qajy Taǵanuly Elbasy Nursultan Nazarbaevtyń tapsyrmasyna sáıkes elordada boı kóterip kele jatqan jańa meshittiń qurylysymen tanysty.
– Saıabaq ortasynda ornalasqan mundaı iri meshit kesheni álemde joq. Munda tek qulshylyq ordasy ǵana emes, avtoturaq, meıramhana, dúken, murajaı ornalasady. Elbasy aıtqandaı, elordadaǵy bul meshit musylman qaýymynyń maqtanyshyna aınalady. Sol kúnge Alla jetkizsin! – degen Bas múftı Naýryzbaı qajy Taǵanuly meshit qurylysyna atsalysyp jatqan barsha azamattarǵa alǵys aıtty.
Meshittiń jalpy kólemi – 57 myń sharshy metr. Munaralary – 130, al kúmbeziniń bıiktigi 90 metrge jetedi. Qulshylyq úıine 30 myń adam sııady. Búginde meshittiń birqatar jumystary aıaqtaldy, keler 2021 jyly meshit qurylysy tolyq aıaqtalyp, musylmandardyń ıgiligine beriledi. Alla qalasa bul qulshylyq ordasy Ortalyq Azııadaǵy eń úlken meshit bolmaq.
