BAS MÚFTI ER-RIIaDTA MINISTRMEN ORTAQ JOBALARDY TALQYLADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Saýd Arabııasyna jasaǵan resmı saparynda osy eldiń astanasy Er-Rııad qalasynda Islam isteri jáne úgit-nasıhat jónindegi mınıstr Abdelatıf ben Abdýlazız ál ash-Sheıhpen kezdesti.
Kezdesýde dinaralyq dostyqty nyǵaıtý, dúnıejúzi halyqtaryn birlik pen beıbitshilikke úndeý, qoǵamda tynyshtyq pen turaqtylyqty ornatýdyń mańyzy sóz boldy.
Mınıstr Bas múftıdiń usynysy boıynsha Qazaqstan meshitterin qasıetti Quran kitabymen (50 myń dana) qamtamasyz etýge, elimizde ótetin halyqaralyq Quran baıqaýyna qoldaý kórsetetinin jetkizdi.
Sondaı-aq basqosýda Bas múftı men mınıstr ıgi jobalardy júzege asyrýǵa kelisti.
Aıta ketsek, Saýd Arabııasynyń Islam isteri jáne úgit-nasıhat jónindegi mınıstri Abdelatıf ben Abdýlazız ál ash-Sheıh ótken jyly elimizde ótken Álemdik jáne dástúrli dinder lıderleriniń sezi aıasynda QMDB Tóraǵasy Naýryzbaı qajy Taǵanulymen kezdesip, Bas múftıdi Er-Rııadqa resmı saparmen kelýge shaqyrǵan bolatyn.
