BAS MÚFTI: ERLIGIMIZDI KÓRSETIP, ELDIGIMIZDI TANYTAIYQ (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qostanaı oblysyna barǵan saparynda múftııat eriktilerimen birge ortaq iske atsalysyp, turǵyndar úshin duǵa etti.

Eriktilerge nasıhat aıtqan Bas múftı: «Qazir halyqpen birge bolyp, belsendilik tanytatyn sát. Sondyqtan syn saǵatta erligimizdi kórsetip, eldigimizdi tanytaıyq. Sizderdi búgin zamannyń naǵyz batyrlary dep sanaımyn. Kúndiz-túni kóz ilmeı, jumys istep jatyrsyzdar. Sizderdiń bul erlikterińiz óskeleń urpaq úshin ónege bolary sózsiz. Alla Taǵala ıgi isterińizge mol saýaptan jazsyn. Jaratýshy Jabbar Iemiz bul qıyndyqty birge eńserýde kúsh-qaırat násip etkeı. Halqymyz qalypty ómirmen qaıta qaýyshqaı» dedi.

Naýryzbaı qajy Taǵanuly el amandyǵy úshin arnaıy duǵa jasady. Aıta ketsek, «Zeket jáne qaıyrymdylyq» qorynyń Qostanaı oblysyndaǵy 400-ge jýyq eriktisi ortaq iske jumyldyrylǵan.

​