BAS MÚFTI FRANTsIIaDAN KELGEN KEŃESShINI QABYLDADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordada Frantsııanyń Eýropa jáne syrtqy ister mınıstrliginiń dinı ister jónindegi keńesshisi Jan-Krıstof Poseldi onyń ótinishi boıynsha qabyldady.
Ortaq áńgimege eki eldiń baılanysy arqaý boldy. Keńesshi Bas múftıdiń jyly shyraımen qabyldaǵanyna rızashylyq bildirdi.
QMDB Tóraǵasy kóp ult pen ulysty Qazaqstanda halyq yntymaq pen birlikte ómir súrip jatqanyn, sondaı-aq Qazaq eliniń álemde beıbitshilik súıgish jáne dinderaralyq dostyq ordasyna aınalǵanyn tilge tıek etti. Bas múftı Dinı basqarmanyń san-salaly qyzmeti men el musylmandarynyń tynys-tirshiligi jaıly áńgimeledi. Halqymyzdyń 70 paıyzdan astamy dástúrli ıslam dinin, onyń ishinde Imam Aǵzam – Ábý hanıfa mazhabyn ustanatyndyǵyna toqtaldy. Sondaı-aq, ol respýblıkadaǵy meshit-medreselerdiń jumysy týraly habardar etti.
