BAS MÚFTI I HALYQARALYQ QURAN JARYSYNYŃ DAIYNDYQ JUMYSTARYMEN TANYSTY (FOTO)

Búgin Astanada Qazaqstan musylmandary dinı basqarmasynyń tóraǵasy Naýryzbaı qajy Taǵanuly arnaıy jınalys ótkizip, Qazaqstan Respýblıkasynyń ulttyq merekesi – Respýblıka kúnine oraı ótetin I halyqaralyq Quran jarysynyń daıyndyq jumystarymen tanysty.

Jınalysta QMDB Apparat jetekshisi Ǵylymbek Májıev halyqaralyq is-shara qarsańynda atqarylyp jatqan jumystar jaıly baıandap ótti. 2023 jyldyń 1-2 qarasha kúnderi Astana qalasynda QMDB janyndaǵy Respýblıkalyq bas meshitte tuńǵysh ret ótetin halyqaralyq Quran jarysyna Indonezııa, Iran, Malaızııa, Birikken Arab Ámirlikteri, Saýd Arabııa Koroldigi, Mysyr Arab Respýblıkasy, Túrkııa, Reseı, Kýveıt, Gvıneıa syndy 26 elden keletin qarılar Qurandy tolyq jatqa oqýdan baq synaıdy. Halyqaralyq Quran jarysyna Túrkııa, Mysyr Arab Respýblıkasy, Birikken Arab Ámirlikteri, Ózbekstan Respýblıkasynan keletin álemge tanymal, tájirıbeli qarılar qazylyq etpek.

Eske sala keteıik, eki kúnge sozylatyn Quran jarysy múftııattyń tól «Munara TV» telearnasynan, «Mýftııat QMDB» YouTube arnasynan, Dinı basqarmanyń resmı áleýmettik jelilerindegi paraqshalarynan tikeleı Efır arqyly kórsetiledi.

​

Источник: Aidos