BAS MÚFTI I HALYQARALYQ QURAN JARYSYNYŃ SOŃǴY DAIYNDYQ JUMYSTARYMEN TANYSTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astana qalasynda 2023 jyldyń 1-2-qarasha kúnderi Qazaqstan Respýblıkasynyń ulttyq merekesi – Respýblıka kúnine oraı tuńǵysh ret ótetin I halyqaralyq Quran jarysynyń sońǵy daıyndyq jumystarymen tanysty. Jumys toby Bas múftıge qazirgi ýaqytqa deıin atqarylǵan is-sharalar týraly esep berdi.

«Ózderińiz jaqsy bilesizder, biz jyl basynda din qyzmetkerleri úshin 2023 jyldy dinı salada «Islam jáne izgi qoǵam» jyly dep jarııaladyq. Osy jyl aıasynda kóptegen ıgi is-sharalar júzege asty. Qazaq dalasynda tuńǵysh ret ótetin I halyqaralyq Quran jarysy osy jyl aıasynda atqarylatyn eń aýqymdy is-shara bolmaq. Alla Taǵala qazaq dalasyn, osynaý qasıetti mekende ómir súrip jatqan barshamyzdyń júregimizdi Quran nurymen nurlandyryp, jaqsylyǵy men bereketin jaýdyrǵaı. Ámın!» dedi Naýryzbaı qajy Taǵanuly.

Aıta ketsek, Quran jarysyna Indonezııa, Malaızııa, Birikken Arab Ámirlikteri, Saýd Arabııa Koroldigi, Mysyr Arab Respýblıkasy, Túrkııa syndy álemniń 30-ǵa jýyq elinen keletin qarılar Qurandy tolyq jatqa oqýdan baq synaıdy. Halyqaralyq Quran jarysyna Qazaqstan, Túrkııa, Mysyr Arab Respýblıkasy, Birikken Arab Ámirlikteri, Ózbekstan Respýblıkasynan keletin álemge tanymal, tájirıbeli qarılar qazylyq etedi.

Eki kúnge sozylatyn Quran jarysy múftııattyń tól «Munara TV» telearnasynan, «Mýftııat QMDB» YouTube arnasynan, Dinı basqarmanyń resmı áleýmettik jelilerindegi paraqshalarynan tikeleı Efır arqyly kórsetiledi.

​Derekkóz: QMDB Baspasóz qyzmeti