Bas múftı: Imam – qoǵamdy tárbıeleýshi, aǵartýshy tulǵa (FOTO)
Qazaqstan musylmandary dinı basqarmasynyń 2022 jylǵa arnalǵan keńeıtilgen Tóralqa májilisinde Bas múftı Naýryzbaı qajy Taǵanuly osylaı dedi.
«Imam – qoǵamdy tárbıeleýshi, aǵartýshy tulǵa. Otanshyl, eńbeksúıgish, amanatqa adal, ata-anasyn qadirleıtin ımandy urpaq tárbıeleýde ımamnyń atqaratyn róli erekshe. Halqymyzdyń rýhanı damýyna, qoǵamda otbasy qundylyǵynyń artýyna aǵartýshy ustazdar men din qyzmetkerleri úlken úles qosyp keledi. Imamdardyń jan-jaqty, bilimdi bolýy – zaman talaby. Din qyzmetkerleri myqty ýaǵyzshy bolýymen qatar, únemi izdenis ústinde júrip, salaýatty ómir saltyn saqtap, súnnet jolynan taımaýy tıis. Sondyqtan biz, din qyzmetkerleri súnnetti saltymyzǵa aınaldyrýymyz qajet», – dep atap ótti Naýryzbaı qajy Taǵanuly.
