BAS MÚFTI IMAMDARǴA ARNALǴAN SEMINARDA BAIaNDAMA JASADY (FOTO)
Búgin Astana qalasy ákimdiginiń uıymdastyrýymen elorda ımamdaryna arnalǵan «Dinı úderisterdegi modernızatsııalyq aspektiler» taqyrybynda arnaıy semınar ótti. Semınar jumysyna QMDB Tóraǵasy, Bas múftı Naýryzbaı qajy Taǵanuly, qala ákiminiń orynbasary Eset Berikuly, Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Astana qalasynyń «Din isteri jónindegi basqarmasy» MM basshysy Nurdaýlet Álmuhanov jáne qala ımamdary qatysty.
Mańyzdy jıynda alǵy sóz alǵan Bas múftı QMDB jumysyna toqtalyp, dinı ońaltý jáne ımamdardy joǵary bilimmen qamtý máselesin tilge tıek etti. Naýryzbaı qajy Taǵanuly qazirgi ýaqytta dinı joǵary bilimdi ımamdardyń kórsetkishi 65 paıyzǵa jetkenin atap ótti.
«Biz buǵan deıin Qazaqstan musylmandary dinı basqarmasynyń damý strategııasy qujaty qabyldadyq. Endigi meje – Jańa Qazaqstandaǵy QMDB baǵyttaryn, ıaǵnı 2022-2027 jyldarǵa arnalǵan damý strategııalyq baǵdarlamasyn qabyldap, qazirgi zaman tendentsııalaryn eskere otyryp, jańa tásilmen qyzmet etý. Sonyń biri, búgingi jıynǵa arqaý bolǵan sala – dinı ońaltý. Dinı basqarmanyń negizgi jumys baǵyttarynyń biri – destrýktıvti dinı aǵymnyń arbaýynda ketken azamattardy ońaltý, olarǵa dinı keńes berip, túsindirme, nasıhat jumystaryn júrgizý», – dedi Bas múftı.
Sonymen qatar semınarda sóz alǵan Erjan Bolatqanuly ımamdardyń biliktilinin arttyratyn jumystar mınıstrlik tarapynan da qolǵa alynatynyn jetkizdi. Odan bólek QMDB qabyldaǵan «As berý», «Zırat pen zııarat» qujattaryn jáne din men dástúr sabaqtastyǵyn dáripteý baǵytyndaǵy jumystardy halyq arasynda keńinen nasıhattaý qajettigine toqtaldy.
Bir kúndik semınarda QMDB ustazdarymen qatar belgili teologtar, SMM mamandary, Ekstremızmge qarsy is-qımyl departamentiniń ókilderi arnaıy dáris ótkizbek.
Источник: Aidos
