BAS MÚFTI IRANDA ÓTKEN HALYQARALYQ KONFERENTsIIaDA BAIaNDAMA JASADY (FOTO)
Búgin Irannyń Gorgan qalasynda «Mázhabtardy jaqyndastyrý jáne Islam revolıýtsııasynyń ekinshi qadamyndaǵy jańa ıslamdyq órkenıet» taqyrybyndaǵy halyqaralyq konferentsııa ótti.
QMDB Tóraǵasy, Bas múftı Naýryzbaı qajy Taǵanuly jıynda arnaıy baıandama jasap, dinaralyq kelisim men yntymaqtastyqtyń zor úlgisin kórsetip, berekeli basqosý uıymdastyrýǵa uıytqy bolǵan Dúnıejúzilik Islam mázhabtaryn jaqyndastyrý assambleıasy basshylyǵyna alǵys aıtty.
«Konferentsııa barysynda kóptegen salmaqty oılar, salıqaly pikirler aıtylyp jatyr. Demek maqsatymyz oryndaldy degen sóz. Beıbitshilik pen birlikti arqaý etken mundaı mańyzdy basqosýlar qashan da qajet. Búgingi basqosý musylman qaýymyn bereke-birlikke bastap, baılanystarymyzdy odan ary jandandyryp, aýyzbirshiligimizdi arttyra túsedi degen oıdamyn. Alla Taǵala adamzat balasyna birlikte ómir súrýdi násip etkeı!» dedi Naýryzbaı qajy Taǵanuly.
Aıta keteıik, «Mázhabtardy jaqyndastyrý jáne Islam revolıýtsııasynyń ekinshi qadamyndaǵy jańa ıslamdyq órkenıet» taqyrybyndaǵy halyqaralyq konferentsııa Iranda osymen ekinshi ret ótkizilip otyr. Jıynǵa Iran jáne Ortalyq Azııa elderiniń dinbasylary men ǵalymdary qatysyp, oı-pikirin bildirdi.
