BAS MÚFTI IRCICA UIYMYNYŃ ÓKILIMEN KEZDESTI (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan saparynda qazaq dalasynan shyqqan kórnekti ǵulama-ǵalym Hýsamýddın ás-Syǵnaqıdyń 800 jyldyq mereıtoıyna oraı uıymdastyrylǵan «Islam órkenıeti keńistigindegi Hýsamýddın ás-Syǵnaqı murasy» halyqaralyq ǵylymı-tájirıbelik konferentsııa aıasynda IRCICA ıslam yntymaqtastyǵy uıymy janyndaǵy Zertteý jáne jarııalanymdar bóliminiń basshysy Jengız Tomarmen kezdesti.

Kezdesýde Islam tarıhyn, ónerin, mádenıetin zertteý máseleleri men osy baǵytta ortaq jobalardy júzege asyrýdyń mańyzy sóz boldy. Bas múftı Dinı basqarmanyń Islam tarıhy men mádenıetin zertteý baǵytyndaǵy jumystary men ıgi jobalary jaıly aıta kele, Jengız Tomar myrzany ortaq ister aıasynda yntymaqtastyqty arttyrýǵa shaqyrdy. Óz kezeginde IRCICA ıslam yntymaqtastyǵy uıymynyń ókili Dinı basqarma bastamalaryna árqashan qoldaý kórsetýge daıyn ekenin jetkizdi. Kezdesý sońynda taraptar ortaq jobalardy júzege asyrýǵa kelisti.