BAS MÚFTI ISLAM INSTITÝTYNDA DIN QYZMETKERLERIMEN KEZDESTI (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna sapary barysynda Respýblıkalyq ımamdardyń bilimin jetildirý ınstıtýtynda din qyzmetkerlerimen kezdesti.
Elimizdiń ár túkpirinen kelgen ımamdarǵa Bas múftı: «Imam – rýhanı tulǵa. Onyń qoǵamdaǵy mártebesi áýelden aıqyn jáne halqymyzdyń ımamdarǵa degen qurmeti erekshe. Áıtse de, ýaqyt aǵymy qaı salada bolmasyn árdaıym izdenisti talap etip otyrǵany málim. Sondyqtan múftııat árdaıym ımamdarymyzdyń, barsha din qyzmetkeriniń bilimin jetildirip, biliktiligin arttyryp otyrýǵa basa nazar aýdarady. Bıylǵy jyldy dinı qyzmet aıasynda «Islam jáne dástúr qundylyǵy» jyly dep atadyq. Osy oraıda asyl dinimiz ben ata-babamyzdan mura bolǵan salt-dástúrimizdi el arasynda nasıhattaı berýge shaqyramyn. Alla Taǵala din jolyndaǵy qyzmet-isterińizge bereke bersin», - dedi.
Óz kezeginde QMDB janyndaǵy respýblıkalyq ımamdardyń bilimin jetildirý ınstıtýtynyń dırektory Serikbaı Oraz Bas múftıge oqý ornynyń búgingi tynysyn, jumys barysyn tanystyryp ótti.
