Bas múftı Kaırde Qamqorshylar keńesine qatysty (FOTO)
Egıpet Arab Respýblıkasy (EAR) astanasy Kaırde Nur Múbárak ýnıversıteti janyndaǵy Qamqorlar keńesiniń kezekti jınalysy ótti.
Alqaly jıynǵa Qazaqstan Respýblıkasy Qoǵamdyq damý mınıstri Darhan Káletaev, Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz, ýnıversıtet prorektory, professor Shamshádın Kerim, Ábý Hanıfa ǵylymı zertteý ortalyǵynyń dırektory, PhD doktory Qaırat Qurmanbaev, sondaı-aq Mysyr tarapynan Ýaqyftar mınıstri, doktor Muhammed Muhtar Juma, ál-Azhar sheıhy, Nur Múbárak ýnıversıtetiniń rektory, professor Jýda Basıýnı, t.b. Qamqorlar keńesiniń quramy qatysty.
Basqosýda Nur Mábarak ýnıversıtetiniń búgini men bolashaǵy, kadrlyq áleýeti, dinı maman daıyndaýdaǵy qyzmeti, oqý baǵdarlamasyndaǵy jańa bastamalar, t.b. máseleler jan-jaqty qaraldy.
Bas múftı Mysyrǵa jasaǵan resmı sapary aıasynda EAR Ýaqyftar mınıstri, doktor Muhammed Muhtar Juma myrzamen júzdesti. Kezdesýde eki eldiń dinı, rýhanı, mádenı, bilim salasy boıynsha baılanysy sóz boldy. Sonymen qatar, múftı men mınıstr Qazaqstan musylmandary dinı basqarmasy men ál-Azhar ýnıversıteti arasynda qabyldanǵan memorandým aıasynda júzege asyp jatqan jobalardy talqylady. Onyń ishinde QMDB usynǵan shákirtterdi Mysyrdyń irgeli oqý oryndaryndaǵy biliktilikti arttyrý kýrstarynan udaıy ótkizip turý máselesi pysyqtaldy.
