Bas múftı Katardan kelgen delegatsııamen kezdesti (FOTO)
Elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Katar elinen kelgen delegatsııany qabyldady.
Kezdesýge Katar tarapynan «Qatar» Damý qorynyń Jobalardy basqarý jónindegi basshysy Hasan Zabıb, atalǵan qordyń jobalar zertteýshisi Anýd Muhammed ál-Kaýarı, Ákimshilik isteri zertteýshisi Nasr Muhammed ál-Jabr, Khatib Alemi kompanııasynyń basshysy Aleks Hanna jáne Orta Azııadaǵy ókili Mashhýr Shaar qatysty.
Ekijaqty kezdesý negizinen iskerlik baǵytta órbidi. Taraptar elordadaǵy «Nur Astana» meshitin keńeıtý, jańa zamanaýı baǵyttaǵy nysanǵa aınaldyrý jaǵyn talqylady. Óıtkeni kezinde Katar eliniń qoldaýymen turǵyzylǵan meshitte elimizdiń klımattyq jaǵdaıy, dárishanalar, qajetti bólmeler, qoryta aıtqanda qazirgi talaptar eskerilmegeni aıtyldy.
Kezdesý barysynda qor ókilderi joba boıynsha ortaq kelisimge keletinin jetkizdi. Basqosý sońynda Bas múftı qonaqtarǵa alǵysyn bildirip, qazaqy dástúrge saı kádesyı usyndy.
