BAS MÚFTI KAVKAZ MUSYLMANDARY DINI BASQARMASYNYŃ TÓRAǴASYN QURMETPEN KÚTIP ALDY (FOTO)
QMDB Tóraǵasy, Bas múftı Naýryzbaı qajy Taǵanulynyń shaqyrýymen búgin elimizge Kavkaz musylmandary dinı basqarmasynyń tóraǵasy, sheıh-ýl Islam Allashúkir Pasha-Zade keldi.
Túrkistan qalasyndaǵy «Áziret Sultan» halyqaralyq áýejaıynan qurmetti qonaqtardy Bas múftı Naýryzbaı qajy Taǵanuly qazaqy dástúrge saı kútip aldy.
Aıta keteıik, 6 mamyr kúni QMDB-nyń uıymdastyrýymen Túrkistan qalasynda túrki memleketteri múftıler alqasynyń qatysýymen «Islam órkenıetiniń damýyna túrki halyqtarynyń qosqan úlesi» taqyrybynda halyqaralyq ǵylymı-tájirıbelik konferentsııa ótedi.
Eske sala ketsek, búgin túske deıin Túrkistanǵa Túrkııa musylmandary dinı basqarmasynyń tóraǵasy Álı Erbash kelgen bolatyn.
