BAS MÚFTI: KESENENI ZIIaRAT ETÝDIŃ ÁDEBI SAQTALA BERMEIDI

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Jezqazǵan qalasynda «Ulytaý oblysynyń rýhanı damýy» taqyrybynda ótken respýblıkalyq ǵylymı-tájirıbelik konferentsııada jasaǵan baıandamasynda halyqty tarıhı kesenelerdi zııarat jasaýda sharıǵat talaptaryn eskerýge shaqyrdy.

«Allaǵa shúkir, Qazaqstanda tarıhı-mádenı eskertkishter óte kóp. Sonyń shoǵyry, shoqtyǵy bıigi osy Ulytaý oblysynda. Jezqazǵan-Ulytaý aımaǵynda 687 tarıhı eskertkish bar eken. Terekti áýlıe arheologııalyq kesheni, Alasha han, Dombaýyl, Joshy han, Bolǵan ana, Qulan ana, Janseıit keseneleri, Aqmeshit áýlıe, Qoılybaı áýlıe, Edige, Toqtamys qorymdary, Baıqońyr, Zyńǵyrtaý, Tamdy tastaǵy han ordalary – tarıhymyzdan syr shertetin keremet eskertkishter.

Qazir tarıhı oryndarǵa zııarat jasaýshylardyń sany kún sanap artyp keledi. Osy rette aıta keter bir másele bar. Árıne tarıhı kesenelerdi zııarat jasaý musylman úshin saýapty ister qataryna jatady. Alaıda onyń ádebi men mádenıeti saqtala bermeıdi.

Biz osydan eki jyl buryn «Zırat jáne zııarat mádenıeti» qujatyn qabyldadyq. Qujatty qabyldaýdaǵy maqsatymyz – qoǵamda zırat kóterý men zııarat jasaý mádenıetin qalyptastyrýǵa úles qosý. Qabir  basynda túneýge, máıitten pana suraýǵa, oınap-kúlýge, ázildep-qyljaqtaýǵa, taýap etýge sharıǵatta tyıym salynady. Qabirde jatqan kisige tabyný – zııarat jasaýdyń túpki maqsatyna qaıshy. Osy máselege taǵy da nazar aýdarýdy suraımyz» dedi Bas múftı Naýryzbaı Qajy Taǵanuly.  

​

Источник: Aidos