Bas múftı kezekti apparat jınalysyn ótkizdi (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń kezekti Apparat jınalysy ótti. Jıynda qańtar aıynda atqarylǵan jumys esebi baıandaldy.
«Allaǵa shúkir, byltyr QMDB jyldyq jumys josparyn oıdaǵydaı atqardy. Alla qalasa, bıyl da asyl dinimizge abyroıly qyzmet etý maqsatynda birqatar mańyzdy is-sharalar atqarýdy josparlap otyrmyz. Bereke-birligimizdi tanytyp, jumyla kirisip, júıeli túrde qarqyndy da nátıjeli jumys isteıik. Alla Taǵala isimizge bereke berip, saýaptan jazsyn!» dedi Naýryzbaı qajy Taǵanuly.
Sondaı-aq jıynda QMDB Apparat basshysy Ǵylymbek Jádigeruly Bas múftıge jyl basynan bergi atqarylǵan jumystar men aldaǵy ýaqytta atqarylatyn jumys josparyn baıandady.
