BAS MÚFTI HÁKIM ABAIDYŃ RÝHYNA QURAN BAǴYShTADY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan sapary barysynda «Orbıta-3» meshitinde juma namazyna qatysyp, Hákim Abaıdyń rýhyna arnaıy Quran baǵyshtady.
Juma namazyna jınalǵan jamaǵatpen birge duǵa jasaǵan Bas múftı: «Ýa, Rabbym, halqymyzdyń alyp tulǵasy, danyshpan, oıshyly Ibrahım Qunanbaıulyn meıirimińe bóleı gór. Onyń ultymyzǵa, urpaǵyna qaldyrǵan mol rýhanı murasyn saýaptan jazyp, pánıde jasaǵan qate-kemshilikterin keshirgeısiń. Ósirip otyrǵan ul-qyzdarymyzdyń, jastarymyzdyń týra jolda bolyp, ult shamshyraǵy Abaı shyǵarmalarymen sýsyndap ósýin násip et! Ámın» dedi.
Aıta keteıik, búgin elimizdiń barlyq meshitinde «Imanı gúl» taqyrybynda Hákim Abaıdyń Allany, adamzatty, ádiletti súıý týrasynda aıtqan ósıetin arqaý etken ýaǵyz aıtyldy.
