BAS MÚFTI HALYQARALYQ KONFERENTsIIaDA BAIaNDAMA JASADY (FOTO)
Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Shymkent qalasynda «Qoja Ahmet Iassaýı hám ıhsan ilimi» taqyrybynda ótken halyqaralyq ǵylymı-tanymdyq konferentsııasynda baıandama jasady.
«Ǵulama babamyz Qoja Ahmet Iassaýı «Dıýanı Hıkmet» óleńder jmnaǵynda adamgershilik pen ımandylyqty tý etip, kúsh-qaıratyn izgilik jolyna arnap, aqıqatty jyrlady. Búkil túrki jurtyn tatýlyqqa, tazalyqqa úndedi. Məńgilik mahabbatty, janpıda ǵashyqtyqty, rııasyz adaldyq pen asqaq adamgershilikti jyrlady. Islam dininiń ólmeıtin-óshpeıtin qundylyqtaryn dáriptedi.
Onyń óleńderi oǵyz-qypshaq tilinde aıtylǵandyqtan, halyq arasynda tez tarap úlgerdi. Sebebi Islam qundylyqtaryn jyrlaǵandyqtan ári tili uǵynyqty bolǵandyqtan, túrkiler tarapynan qoldaý tapty. Ahmet Iassaýı ár musylmannyń boıynda Allaǵa degen zor súıispenshilik, Muhammed paıǵambarǵa (oǵan Allanyń salaýaty men sálemi bolsyn) degen ystyq mahabbat bolý kerektigin súısine jyrlady. Tipti Allaǵa duǵa etkende: «Ýa, Alla! Ózińe jáne Paıǵambaryńa bizdi ǵashyq et» dep jalbaryndy.
Musylmandardy kórkem minezdi bolýǵa shaqyryp, túrki halyqtarynyń kózin ashyp, Allaǵa degen ımanyn arttyryp, Islamǵa degen tanymyn keńeıtti» dep atap ótti Bas múftı Naýryzbaı qajy Taǵanuly.
Aıta ketsek, konferentsııa jumysyna Shymkent qalasy ákiminiń birinshi orynbasary Shyńǵys Muqan, Ózbekstan musylmandary dinı basqarmasynyń tóraǵa orynbasary, naıb múftı Ibrahım Inomov (onlaın), Qyrǵyzstan musylmandary dinı basqarmasynyń tóraǵa orynbasary, naıb múftı Abıbılla ajy Qydyrberdıev (onlaın), belgili ǵalym, professor Dosaı Kenjetaı, fılologııa ǵylymdarynyń doktory, professor Shámshedın Kerim, PhD doktor Muhan Isahan t.b. ǵalymdar men ımamdar, al ózge aımaqtardaǵy din qyzmetkerleri onlaın rejımde qatysty.
