BAS MÚFTI HALYQARALYQ KONFERENTsIIaDA BAIaNDAMA JASADY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan saparynda qazaq dalasynan shyqqan kórnekti ǵulama-ǵalym Hýsamýddın ás-Syǵnaqıdyń 800 jyldyq mereıtoıyna oraı uıymdastyrylǵan «Islam órkenıeti keńistigindegi Hýsamýddın ás-Syǵnaqı murasy» halyqaralyq ǵylymı-tájirıbelik konferentsııasyna qatysyp, baıandama jasady.
«Qazaq topyraǵynan shyqqan ǵulamalardyń ónegeli ómirin, siz ben bizge qaldyrǵan rýhanı baı murasyn jastarǵa, jalpy qoǵamǵa dáripteý – barshamyzdyń buljymas boryshymyz, qasıetti paryzymyz. Ózderińiz jaqsy bilesizder, biz ótken jyly kórnekti tulǵamyzdyń esimin dáripteý maqsatynda Astana qalasynan, Syǵanaqı dańǵylynyń boıynan Qazaqstan musylmandary dinı basqarmasyna qarasty Hýsamýddın ás-Syǵnaqı atyndaǵy ıslam ınstıtýtyn ashtyq.
Qazaq jeriniń týmasy Hýsamýddın ál-Húseın bın Álı bın Hajjaj bın Álı as-Syǵnaqı (Alla ony raqymyna alsyn) – ıslamtaný, fıqh, ýsýl-fıqh, aqıda salasyna mol eńbek sińirgen dinı qaıratker, Islam áleminiń kórnekti ǵulamasy. Ol arab tili jaıly úlken eńbek jazǵan oqymysty, tanymal lıngvıst. Islam ǵylymy men biliminiń damýyna súbeli úles qosqan, artyna óshpes mura qaldyrǵan biregeı ǵalym» dedi Bas múftı Naýryzbaı qajy Taǵanuly.
Aıta ketsek, halyqaralyq konferentsııada Mysyr Arab Respýblıkasy Prezıdentiniń Islam isteri jónindegi keńesshisi, ál-Azhar ýnıversıtetiniń professory, sheıh Ýsama ás-Saıd Mahmýd Muhammed ál-Azharı, Mysyr Arab Respýblıkasynyń Ýaqyp vıtse-mınıstri Mahmýd Abdýlhalek Abdýlhalek ál-Farhanı, sonymen qatar halyqaralyq Islam uıymdarynyń ókilderi baıandama jasap, ǵulama babamyz jaıly tyń derekterdi bólisti.
