BAS MÚFTI HALYQARALYQ KONFERENTsIIaǴA QATYSTY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Saýd Arabııasyna barǵan saparynda Jıdda qalasynda qajylyq jáne umra qyzmetterine arnalǵan halyqaralyq konferentsııaǵa qatysty.
Basqosýda sóz alǵan Saýd Arabııasy koroliniń keńesshisi, Mekke qalasynyń basshysy Halıd ál-Feısal, Qajylyq jáne umra mınıstri Taýfık ıbn Faýzan ar-Rabıa, osy eldiń kólik jáne logıstıka mınıstri Saleh ben Naser ál-Jasser, Indýstrııa jáne mıneraldy resýrstar mınıstri Bandar ben Ibrahım ál-Horaıef, Eki qasıetti meshit keńsesiniń bas tóraǵasy, sheıh Abdýl Rahman ál-Sýdeıs mártebeli meımandarǵa izgi nıetin jetkizdi.
Konferentsııa jumysynda qajylarǵa zamanaýı úlgide qyzmet kórsetý, aqparattyq tehnologııalardy tıimdi paıdalaný, kólik qyzmetin jaqsartý, kásibı medıtsınalyq kómek kórsetý t.b. máseleler talqylandy.
QMDB Tóraǵasy konferentsııa aıasynda musylman memleketteriniń múftılerimen kezdesip, pikir alysty.
