Bas múftı kishi Tóralqa májilisin ótkizdi (FOTO)
Búgin Bas múftı Naýryzbaı qajy Taǵanulynyń tóraǵalyǵymen QMDB-nyń kishi Tóralqa májilisi ótti. Jıynǵa QMDB bólim basshylary men jáne Ortalyq apparat qyzmetkerleri qatysty.
Májilistiń kún tártibi boıynsha birneshe másele qaraldy. Bas múftıge atalǵan máseleler boıynsha atqarylǵan jumystar jaıly baıandaldy. Bas múftıdiń keńesshisi Kenjetaı Dúısenbaı QMDB-nyń 200 din qyzmetkerine beriletin járdemaqy, Qajylyq bóliminiń meńgerýshi Jandillá Bekjigitov bıylǵy qajylyq maýsymyn uıymdastyrý, Meshit isteri bóliminiń meńgerýshisi Marat Jappasbaev meshitterge ataý berý jáne qalalyq, aýdandyq, aýyldyq meshitterdiń maketteriniń jobasy jaıly baıandady.
Sondaı-aq Qazaqstan musylmandary dinı basqarmasynyń «MUFTIYAT» baspasynan jaryq kórgen kitaptardyń tusaýkeser rásimi ótti.
