BAS MÚFTI KÓPBALALY OTBASYN RAMAZAN AIYMEN QUTTYQTADY

Qasıetti Ramazan aıynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly elordadaǵy kópbalaly otbasynyń shańyraǵyna arnaıy baryp, múbárak aımen quttyqtady.

Júzdesý barysynda Bas múftı otbasy múshelerimen suhbattasyp, qasıetti Ramazan aıynyń rýhanı máni men taǵylymyna toqtaldy.

Aıta keteıik, otbasyndaǵy 10 jastaǵy Aıaýlym karatE sportymen turaqty túrde aınalysady. Bir jyl ishinde túrli jarystarǵa qatysyp, halyqaralyq deńgeıdegi dodalarda júldeli oryndarǵa ıe bolyp úlgergen. Bas múftı jas sportshynyń talpynysyna rızashylyǵyn bildirip, bilim men sportty qatar alyp júrýge tilektestik bildirdi.

Is-shara aıasynda Qazaqstan musylmandary dinı basqarmasy tarapynan atalǵan otbasyǵa «Ramazan syıy» retinde 1 000 000 teńge kóleminde qarjylaı kómek tabystaldy.

Sondaı-aq, Bas múftı otbasy múshelerimen birge aýyz ashyp, el amandyǵy men jurt tynyshtyǵyn tilep duǵa jasap, aq batasyn berdi.

Kezdesý sońynda otbasy ıeleri kórsetilgen qoldaý men yqylas úshin alǵystaryn bildirdi.

​