BAS MÚFTI MARQUM ABDOLLA JOLDASTYŃ OTBASYNA KÓŃIL AITTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly ulaǵatty ustaz, belgili din ǵalymy, abyz aqsaqal Abdolla qajy Joldastyń qaıtys bolýyna baılanysty marqumnyń otbasyna kóńil aıtty.

«Abdolla qajy Joldastyń qazasy týraly qaraly habar meniń de janyma qatty batty. Talaı din qyzmetkeri onyń tárbıesi men tálimin alǵan edi. Men de ustazdan tálim aldym. Din men dástúrdi sabaqtastyra sóılegen sózderi men nasıhattary talaı jannyń júregine izgilik dánin sepken edi. Marqum ustazymnyń otbasy men týǵan-týystaryna ózimniń jáne Qazaqstan musylmandary dinı basqarmasy ujymy atynan kóńil aıtamyn. Alla Taǵala Abdolla qajy Joldas ustazymyzdy raqymyna alyp, janyn jánnattyq etkeı. Din jolyndaǵy eńbekteri men ustazdyq qyzmetine Alla mol saýaptan jazǵaı. Ámın!» delingen Bas múftıdiń kóńil aıtý jedelhatynda.