Bas múftı marqum ustaz Baýyrjan Álıulynyń otbasyna kóńil aıtty
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Ǵulamalar keńesiniń múshesi, belgili ustaz, ǵalym Baýyrjan Álıulynyń qaıtys bolýyna baılanysty marqumnyń otbasyna, týǵan-týystaryna kóńil aıtty.
«Ǵulamalar keńesiniń múshesi, belgili ǵalym, ustaz Baýyrjan Álıulynyń qaıtys bolǵany týraly qaraly habardy aýyr kúızelispen qabyldadym. Bul – dinı saladaǵy barsha qyzmetkerler úshin úlken qaıǵy. Marqumnyń otbasyna, týǵan-týystaryna, dinı saladaǵy barsha qyzmetkerlerge, ózimniń jáne QMDB ujymy atynan qaıǵyra kóńil aıtamyn. Onyń áserli ýaǵyzdary men paıdaly dáristeri shákirtterdiń jadynda máńgi qalady degen senimdemin. Alla Taǵala Baýyrjan Álıuly baýyrymyzdy aldynan jarylqap, meıirimine bólegeı! Jaratýshy Iemiz artynda qalǵan otbasy men týystaryna kórkem sabyr násip etsin! Ámın» delingen Bas múftıdiń kóńil aıtý jedelhatynda.
