BAS MÚFTI MEKKEDE QAJYLYQ MISSIIaSYNYŃ QORYTYNDY JINALYSYN ÓTKIZDI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mekke qalasynda Qajylyq mıssııasynyń qorytyndy jınalysyn ótkizdi.
Jınalysta mıssııanyń ýaǵyz-nasıhat bólimine jaýapty Smaıyl Seıtbekov sońǵy aptada qajylarǵa túrli taqyryptarda 373 ret ýaǵyz aıtylǵanyn atap ótti. Pátýaǵa jaýapty Baýyrjan Abdýalıev 1570 qajynyń suraǵyna qatysty pátýa berilgenin jetkizdi. Sonymen qatar jınalysta mıssııa janyndaǵy medıtsınalyq ortalyqtyń jumysy jaıly baıandaldy. Mıssııa dárigerleri myńnan astam adamǵa túrli deńgeıde alǵashqy medıtsınalyq kómek kórsetilgenin baıandady.
Basqosý barysynda Naýryzbaı qajy Taǵanuly Qajylyq mıssııasynyń múshelerine tıisti tapsyrmalar berip, jumysty jetildirýge qatysty baǵyttardy aıryqsha atap ótti. Sondaı-aq Qajylyq mıssııasynyń Mekke qalasynda ashylǵan jumys keńsesinde bes baǵyt, ıaǵnı ýaǵyz-nasıhat, alǵashqy medıtsınalyq kómek, uıymdastyrý-úılestirý, pátýa berý, aqparat taratý boıynsha belsendi jumys istegen qyzmetkerlerge alǵysyn bildirdi.
Aıta ketsek, bıyl elimizden 4 myń qajy paryzyn ótedi. Búgin otandastarymyz qajylyq amaldaryn aıaqtady. Erteń jerlesterimizdiń alǵashqy legi Otanymyzǵa orala bastaıdy.
