BAS MÚFTI MEKKEDEGI HALYQARALYQ KONFERENTsIIaDA BAIaNDAMA JASADY (FOTO)

Mekke qalasynda Qazaqstan musylmandary dinı basqarmasynyń uıymdastyrýymen ótken halyqaralyq konferentsııada Bas múftı Naýryzbaı qajy Taǵanuly arnaıy baıandama jasady.

Qajylyq taqyrybyna arnalǵan basqosýda QMDB Tóraǵasy Naýryzbaı qajy Taǵanuly: «Shynynda qajylyqqa kelý – kez kelgen adamǵa násip bola bermeıtin nyǵmet. Qajylyq paryzdary men súnetterin, rásimderi men rúkinderin sharıǵatqa saı oryndaǵan musylman uly sapardan kúnádan pák kúıinde oralady. Bul týraly Ábý Hýraıradan (Alla ony raqymyna alsyn) jetken hadıste Paıǵambarymyz Muhammed (oǵan Allanyń salaýaty men sálemi bolsyn) bylaı degen: «Jaman sóz sóılemeı, kúnáli ári orynsyz eshnárse jasamaı, Allaǵa qajylyq jasaǵan adam anasynan jańa týǵandaı (kúnásiz)  oralady».

Qazaq halqy uly sapardan oralǵan kisini «qajy» dep qurmettep, onyń batasyn alýǵa asyqqan. Óıtkeni qasıetti jerden kelgen kisiniń duǵasy qabyl bolady dep sengen. Óz kezeginde qajylyqtan oralǵan adam qajy degen atqa laıyqty bolyp, jaqsy isterimen aınalasyna úlgi-ónege kórsetýi kerek» dep atap ótti.

Aıta ketsek, konferentsııaǵa Qazaqstannyń Saýd Arabııasy Koroldigindegi Tótenshe jáne Ókiletti Elshisi Berik Aryn, Túrkııa Din isteri basqarmasynyń tóraǵasy, professor Álı Erbash, Ózbekstan musylmandary basqarmasy tóraǵasynyń orynbasary Jalaloddın Hamrokýlov, Qyrǵyzstan musylmandary dinı basqarmasy tóraǵasynyń orynbasary Samýddın Atabaev, Saýd Arabııa Koroldigi Qajylyq jáne umra mınıstrliginiń resmı ókilderi, qajylyq kompanııalarynyń jetekshileri, ýaǵyz-nasıhat jumystaryna jaýapty ımamdar men 250 otandasymyz qatysty.