BAS MÚFTI MINISTRMEN KEZDESTI (FOTO)
Búgin elordadaǵy Respýblıkalyq bas meshitte Bas múftı Naýryzbaı qajy Taǵanuly Aqparat jáne qoǵamdyq damý mınıstri Darhan Qydyrálimen kezdesti.
Kezdesýde Darhan Qýandyquly halyqqa din men dástúr sabaqtastyǵyn dáripteý, ımamdardyń bilimin jetildirý, jastardy destrýktıvti dinı aǵymdardyń ıdeologııasynan saqtandyrý, jastar arasynda mádenı qundylyqtardy nasıhattaý, qazaqtyń tarıhı tulǵalary men olardyń ónegeli ómirin óskeleń urpaqqa úlgi etý syndy máselelerge nazar aýdardy.
Naýryzbaı qajy Taǵanuly Dinı basqarmanyń el ıgiligi jolynda atqaryp jatqan jumystary men dinı aǵartý, ýaǵyz-nasıhat, qoǵamǵa ulttyq qundylyqtardy keńinen dáripteý baǵyty boıynsha qolǵa alǵan jospary men jobalary jaıly baıandady. Sonymen qatar mınıstrdi alda ótetin respýblıkalyq ımamdar forýmy týraly habardar etti.
Basqosý sońynda taraptar el ıgiligi men bolashaǵy jolynda ortaq jobalardy júzege asyrýǵa ýaǵdalasty.
