Bas múftı Mysyr múftıi Shaýqı Allammen kezdesti (FOTO)
QMDB Tóraǵasy, Bas múftı Naýryzbaı qajy Taǵanuly Mysyr múftıi, doktor Shaýqı Ibrahım Allammen kezdesti.
Kezdesýde eki elge ortaq mańyzdy máseleler aıtyldy. Sonyń biri de biregeıi – Mysyr eliniń uıymdastyrýymen ótken dinı Ekstremızmge qarsy konferentsııada aıtylǵan jaıttar. Bas múftı eń aldymen konferentsııaǵa yqylaspen shaqyryp, kórsetken qurmeti úshin Shaýqı Allamǵa alǵys bildirdi.
«Alla Taǵala búgingi bastamalaryńyzǵa, álem elderiniń turaqtylyǵy jolynda jasap jatqan ıgi jumystaryńyzǵa jar bolsyn! Sizdiń shaqyrtýyńyzdy qabyl alyp arnaıy Mysyr jerine kelip otyrmyz. Konferentsııa óte joǵary deńgeıde ótti. Aıtylǵan máseleler oń sheshimin tabady dep senemiz. Qazaqstan men Mysyr arasyndaǵy rýhanı, dostyq baılanystarymyz odan ári arta túsedi dep kútemiz.
Ózińizben bir jyl buryn kezdeskenimizde ortaq pátýalardy birge qabyldaýǵa, qazirgi tańda musylman úmbetin alańdatqan kúrdeli saýaldardy birge sheshýge ýádelesken edik. Bul baǵytta jumystar júrip jatyr. Qazaqstan jáne Mysyr arasynda ekijaqty áriptestik hám baýyrlastyq baılanys qalyptasty deýge bolady. Sonyń ishinde dinı yntymaqtastyq basty orynda. Sizben aradaǵy jasalǵan kelisimge saı Mysyr tarapy elimizden keletin ımamdar men ustazdarymyzǵa pátýa berý ádisin úıretýdi qolǵa aldy. Pandemııaǵa baılanysty birneshe ret onlaın sabaqtar ótti. Bul rette sizdiń erekshe qoldaýyńyzǵa rızashylyǵymdy jetkizemin», - dedi Bas múftı.
Kezdesýde Mysyr múftıi elimizden bilim alýǵa nıetti jandardy qoldaýǵa ár kez daıyn ekenin aıtty. Sondaı-aq dinı Ekstremızge qarsy birlese jumys isteý ıdeıasyn usynyp, ortaq joba jasaý qajettigin alǵa tartty. Bas múftı Shaýqı Allamdy elimizde ótetin Dástúrli din lıderleriniń sezine qurmetpen shaqyrdy. Óz kezeginde Mysyr múftıi shaqyrtýdy qabyl alyp, qonaq bolatynyn aıtty.
Kezdesý sońynda taraptar qalyptasqan dostyq baılanysty nyǵaıtyp, ıgi bastamalardy qoldaıtynyn málimdedi.
