BAS MÚFTI NAÝAN HAZIRET KESENESIN ZIIaRAT ETTI (FOTO)
QMDB Tóraǵasy, Bas múftı Naýryzbaı qajy Taǵanuly Aqmola oblysyna jumys sapary barysynda Kókshetaý qalasyndaǵy aǵartýshy ustaz, din qaıratkeri Naýan Haziret Talasulynyń kesenesine zııarat jasap, baba rýhyna Quran aıattaryn baǵyshtady.
Bas múftımen birge zııaratqa QMDB Aqsaqaldar keńesiniń músheleri, Naýan Hazirettiń urpaqtary, belgili naýantanýshy ǵalymdar arnaıy bardy.
Aıta keteıik, búgin Kókshetaýda Naýan Hazirettiń 180 jyldyǵyna arnalǵan respýblıkalyq konferentsııa ótti.
Naýryzbaı Talasuly 1843 jyly Kókshetaý okrýgi Mezgil bolysynyń Jylkeldi aýylynda dúnıege kelgen. Naýryzbaı Talasuly alǵashqyda aýyl mektebinde oqyp, keıin Qyzyljar qalasyndaǵy medreseni oqyp bitirgen soń, daryndy bala retinde Buharadaǵy Kókiltash dinı semınarııasynda oqyp keıin bilimin Baǵdatta jalǵastyrǵan.
Din bilgiri elge kelgen soń shákirt tárbıelep, asyl dinge qyzmet etti. Naýan Haziret 1916 jyly 73 jasynda dúnıe salyp, Qopa kóliniń jaǵasyndaǵy musylmandar zıratyna jerlengen.
