Bas múftı naýqastyń kóńilin surap, merekemen quttyqtady (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordadaǵy №1 aýrýhanada emdelip jatqan Qaısar Sadyqanulyn oraza aıt meıramymen quttyqtap, kóńilin surady.
2011 jyly jol apatyna ushyrap, keýde omyrtqasy synǵan Qaısar Sadyqanuly múgedek arbasyna tańylsa da, moıymaı keledi. Taǵdyryndaǵy synaqqa jyldar boıy sabyr etip, aýyr jaǵdaıyna qaramastan, Alladan úmitin úzbeı kele jatqan ol «Áziret Sultan» meshitiniń turaqty jamaǵaty.
QMDB Tóraǵasy aldaǵy ýaqytta naýqastyń emine Dinı basqarma men «Zeket jáne qaıyrymdylyq» qory tarapynan kómek kórsetiletinin jetkizdi. Óz kezeginde Qaısar Sadyqanuly da Bas múftıge qoldaý bildirgeni úshin rızashylyǵyn jetkizip, alǵys aıtty.
