Bas múftı Nur-múbarak ýnıversıtetiniń prorektorymen júzdesti
QMDB Tóraǵasy, Bas múftı Naýryzbaı qajy Taǵanuly Almaty qalasyna jasaǵan jumys sapary barysynda Nur-Múbarak ýnıversıtetiniń prorektory, PhD doktor Qaırat Qurmanbaevty qabyldady.
Kezdesý barysynda ýnıversıtet prorektory jańa oqý jylyna daıyndyq barysyn baıandady. «Nur-Múbarak ýnıversıtetiniń maqsaty – bilikti de, bilimdi jas urpaq tárbıeleý. Sondyqtan qazirgi pandemııa jaǵdaıynda ýnıversıtet bilim júıesin jańa baǵytqa bastap, qashyqtan oqytý formatyn iske qosyp, sátti júzege asyryp keledi» dep atap ótti.
Sondaı-aq Qaırat Qurmanbaev ýnıversıtet janynan qashyqtan oqytýǵa qatysty arnaıy ortalyq jáne IT bólimi ashylǵanyn aıtyp, jýyrda stýdentterge qyzmet kórsetý ortalyǵy iske qosylatynyn habarlady.
Bas múftı Naýryzbaı qajy Taǵanuly «Nur-Múbarak ýnıversıteti bilimdi de bilikti ıslamtanýshy, teolog, dintanýshy mamandar daıarlaý qajet» deı kele qazirgi jahandaný kezeńinde jańa bastamalardy kóbirek qolǵa alyp, bastamalardyń bárin de zaman talabyna ıkemdeý qajet ekenin aıtty.
